Accessibility links

Breaking News

Etazini: Lajistis Vize Rudi Giuliani Ansyen Avoka Donald Trump


Anpil Zye Brake sou Kongrè Ameriken an Kap Tann ke Sena a Resevwa Atik Mizanakizasyon Prezidan an

Ansyen majistra New York Rudi Giuliani ki, kòm avoka pèsonèl ansyen prezidan Donald Trump, te chache ede-l chavire defèt-li nan kous pou re-eleksyon 2020 an, resevwa nouvèl ayè lendi-a ke yo te vize-l nan yon ankèt kriminèl pou wòl-li nan eleksyon eta Jòji nan sid peyi-a.

Avoka Robert Costello di ajans nouvèl ameriken-yo ke komisè gouvènman nan vil Atlanta, kapital eta Jòji, enfòme avoka k-ap defann Giuliani-yo ke li anba envestigasyon pou wòl-li nan chache chavire defèt Trump-la ki te mens nan eta-a, premye fwa yon kandida prezidansyèl Repibliken pèdi eta sa-a depi 1992.

Giuliani gen pou-l konparèt mèkredi devan yon gran jiri espesyal k-ap mennen ankèt sou efò Giuliani, Trump ak lòt nan finisman ane 2020 e nan koumansman 2021 pou chavire defèt Trump devan Joe Biden nan eta Jòji, yon eta kote elektè te lage 5 milyon bilten. Trump te fini ak 11-mil-779 vwa dèyè Biden.

XS
SM
MD
LG