Minis defans Latiki a, Hulusi Akar, fè konnen anons yon akò byen kapab fèt anvan lontan apre negosyasyon ki te dewoule pandan 4 trèdtan ant reprezantan ofisyèl Larisi, Ikrèn, Nasyonzini ak Latiki nan Istanboul mèkredi 13 juen an.
Nan yon deklarasyon Minis Akar pibliye apre chita-tande mèkredi a, li di pati konsène yo byen kapab jwenn yon antant pa pi ta ke semèn pwochen nan pou pèmèt plizyè milyon tòn sereyal ale sou mache entènasyonal la.
Menmsi Sekretè Jeneral Òganizasyon Nasyonzini an, Antonio Guterres, byen kontan evolisyon pozitif sa a nan sitiyasyon an, li lanse yon avètisman mèkredi pou l di akò a poko reprezante yon reyalite. Dapre sa l di, “plis travay teknik pral nesesè kounyela a pou konkretize pwogrè ki fèt jodi a. Sepandan, li klè ke gen bon jan pwogrè ki fèt la. “
