Accessibility links

Breaking News

Depatman Deta: Plizyè Ameriken Jwenn Arestasyon yo nan Venezyela


Venezuela Jailed American

Depatman Deta di ke 3 Ameriken jwenn arestasyon nan Venezyela paske yo te antre ilegalman nan peyi a, sa ki te mete ajou a 11, kantite sitwayen ameriken ki jwenn arestasyon nan peyi a nan dènye mwa sa yo.

Ni Etazini ni Karakas pa vle bay non moun sa yo ki jwenn arestasyon yo. 2 peyi yo ap chèche louvri yon vwa kominikasyon malgre relasyon diplomatik yo te kraze an 2019.

Yon pòtpawòl Depatman Deta te di AFP "Nou ka konfime arestasyon sitwayen Ameriken yo nan Venezyela nan mwa janvye ak mas ane sa a".

"Nou pran angajman nou oserye pou ede sitwayen Ameriken aletranje," li te ajoute, li refize bay detay sou moun ke yo te arete yo.

Dapre medya Ameriken yo, se te 3 gason ki te jwenn arestasyon pandan peryòd sa a.

An total, gen 11 Ameriken kounye a ki prizonye nan peyi Venezyela.

2 prizonye Ameriken an nan mwa mas te lage, apre yon vizit anvwaye Washington te fè nan Caracas, sa te konsidere kòm yon jès bòn volonte Prezidan Maduro.

Nan fen mwa jen an, yon lòt delegasyon Ameriken te vizite Venezyela pou diskite sou sekirite sitwayen li yo nan peyi a.

XS
SM
MD
LG