Accessibility links

Breaking News

Venezyela, Iran Siyen yon Antant pou Koperasyon pou 20 Lane


IRAN-VENEZUELA/

Lidè Venezuela a, Nicolas Maduro, ak prezidan liy-du Iran an, Ebrahim Raisi, siyen yon antant pou koperasyon pou 20 lane samdi a, yon jou apre Maduro te chante lwanj Repiblik Islamik la ki te voye petwòl ke nasyon sa a te bezwen anpil, yon jès ki fèt malgre sanksyon Etazini yo.

Nan yon entèvyou ak Maduro apre li fin debake nan Teheran pou yon vizit 2 jou, medya leta Iranyen rapòte vandredi swa ke Maduro te chante lwanj Iran pou 2 bato petwolye li te voye bay nasyon an ki gen gwo pwoblèm enèji.

"Livrezon gaz Teheran nan Caracas la te ede pèp Venezuela a anpil," se pawòl Maduro.

Premye vizit Maduro nan Iran an fèt nan moman gen tansyon nan tout Mwayenn Oryan an akoz antant nikleyè Iran ak pwisans mondyal yo ki kraze. Sanksyon Etazini yo ak pri manje ki moute nan mond la ap toufe ekonomi Iran an, sa ki mete plis presyon sou gouvènman li ak pèp li.

Nan yon konferans pou laprès ansanm samdi a, Raisi ak Maduro siyen yon antant 20 lane pou ogmante relasyon yo nan endistri petwòl ak petwochimi, e nan domèn militè ak ekonomi.

XS
SM
MD
LG