Sèl manm yon ekip ekstremis Eta Islamik la ki rete vivan, jwenn kondanasyon l ayè mèkredi a anba akizasyon pou asasinay ak lòt ankò e li jwenn santans prizon avi san opòtinite pou pawòl nan kèk atak ak bonm ak tire ki te fèt an 2015 plizyè kote nan vil Pari, kote 130 moun te pèdi lavi yo nan atak ki te fè plis san koule nan peryòd lapè nan istwa LaFrans.
Tribinal espesyal la kondane tou 19 lòt mesye ki te enplike nan ofansiv la apre yon pwosè ki te dire 9 mwa.
Prensipal sispèk-la, Salah Abdeslam, tonbe anba kondanasyon pou asasinay ak tantativ asasinay ki gen rapò ak yon òganizasyon teworis. Abdeslam, ki gen 32 lane, moun peyi Bèljik ki gen rasin nan peyi Mawòk, tonbe anba santans pi sevè posib ke LaFrans ka bay.
Lòt kondane yo te jwenn divès santans, e gen nan yo ki tonbe anba prizon avi tou.