Accessibility links

Breaking News

Moskou Pwoteste Kont yon Blokis Inyon Ewopeyen an Mete ant Larisi ak Kaliningrad


Russia Putin

Larisi konvoke anvwaye Inyon Ewopeyen an nan Moskou pou l pwoteste “enѐjikman” kont nouvo restriksyon gwoup la mete sou ekspedisyon pwovizyon nan anklav Kaliningrad la, ki fѐ pati Larisi; ekspedisyon sa yo abitye pase pa Lituani, yon manm IE an. Moskou menase pou l pran revanj li sou eta baltik la.

Ministѐ Afѐ Etranjѐ ris la fѐ konnen madi diplomat Inyon an, Markus Ederer, resevwa enfòmasyon sou karaktѐ “innadminib aksyon sa yo” ak avѐtisman ki anonse “pral gen zak revanj” si restriksyon sa yo pa leve imedyatman. Chansѐlri a pa bay plis detay.

Kaliningrad chita ant Lituani ak Lapolòy, pi presizeman kote Flѐv Pregolya a pase pou l al debouche sou Lanmѐ Baltik la. Li gen yon popilasyon 500 mil abitan.

Otorite lituanyen yo fѐ konnen yo enpoze restriksyon yo depi lendi 20 juen an nan kad efò y ap fѐ pou yo enpoze sanksyon ki pini Larisi apre envazyon peyi sa a fѐ nan Ikren depi 24 fevriye pase a. Apre vizit Anbasadѐ Ederer nan ministѐ afѐ etranjѐ a nan Moskou, li deklare:

“Lituani pa pran desizyon an pou kont li; l ap mete an aplikasyon sanksyon Inyon Ewopeyen an pran.”

Li ajoute pa gen okenn blokis alantou Kaliningrad, paske pwovizyon ki pa tonbe anba sanksyon yo kontinye antre nan anklav la.”

XS
SM
MD
LG