Video lame Ikrèn nan pibliye montre machin militè ris ki boule ak yon pon ki detrui sou Flèv Siversky, sou teritwa Doniest; sanble se rezilta konfwontasyon ki te dewoule pi bonè nan semèn nan.
Pandan konba yo ap kontinye, yon sòlda ris ki gen 21 lane konparèt vandredi devan yon tribinal nan Kyèv nan kad premye pwosè pou krim de gè k ap fèt depi lagè a te kòmanse. Non prevni an se Vadim Shishimarin ki gen pou l reponn akizasyon dèske li te touye anba bal yon nonm san zam 28 fevriye pase a pandan viktim nan te sou yon bisiklèt.
