Marcos Jinyo -ke moun konnen tou sou non jwèt li, “Bongbong”- te kriye viktwa mèkredi alòske komisyon elektoral la te preske fin konte tout vwa yo e li te devan kandida ki pi pre l la.
Nan yon deklarasyon La Mezon Blanch pibliye, li fè konnen:
“Prezidan Biden ensiste sou le fèt ke li pare pou l travay avèk Prezidan eli a dekwa pou yo kontinye ranfòse Alyans Etazini-Filipin nan, pandan yo va elaji kad kowoperasyon bilateral yo nan yon gwo kantite domèn –pami yo gen lit kont KOVID-19 la, konba kont chanjman klimatik yo, pwomosyon yon kwasans ekonmik ki repoze sou yon baz lajman laj, epi respè pou dwamoun.”
Papa Marcos Jinyò, Ferdinand Marcos, te dirije Filipin ant 1965 ak 1986 e li te gouvenen peyi a ak lwa masyal pandan preske 10 zan. Ferdinand Marcos te oblije pran egzil nan fen rejim li a apre yon mouvman popilè ki te rele revolisyon “Pouvwa Pèp la”.
