Accessibility links

Breaking News

Fenland ak Laswèd Ap Travay pou yo Antre nan LOTAN


UKRAINE-CRISIS/SWEDEN-FINLAND

Helsinki - Peyi Fenland ak Laswèd gen pou yo aplike ofisyèlman pou yo antre nan LOTAN pi ta mwa sa a kòm reyaksyon apre envazyon Larisi nan Ikrèn nan. 2 peyi yo fè konnen aksyon Moskou a chanje dinamik sekirite a ann Ewòp epi menas nikleyè Larisi a oblije yo chache tout oto-defans kolektif ke LOTAN kapab bay.

Palmantè fenlandè yo ap fè deba sou kesyon antre peyi a nan alyans atlantik la apre yo te pibliye yon rapò enpòtan sou sekirite pi devan nan kòmansman mwa sa a. Yo gen pou pran yon desizyon nan jou k ap vini yo.

Minis fenlandè pou Afè Ewopeyen yo, Tytti Tuppurainen, di Lavwadlamerik:

“Gen yon bagay ki klè: Tout bagay chanje depi Larisi te lanse lagè a nan Ikrèn. Nou dwe pran pwòp desizyon nou kounyela a dapre pwòp enterè nasyonal nou. Ki pi bon mwayen pou n asire sekirite Fenlandè yo ak Swedwa yo? Nou fè pati loksidan e kounyela a nou ka wè ke estati nou kòm manm LOTAN reprezante dènye touch la nan entegrasyon nou nan loksidan.”

Pati ki sou pouvwa a nan Laswèd, Pati Sosyal Demokrat la, gen pou l anonse nan dat 17 me a desizyon li pou l aplike pou manm LOTAN. 2 peyi yo gen plan pou yo soumèt aplikasyon yo ansanm.

XS
SM
MD
LG