Accessibility links

Breaking News

Brezil: Glisman Teren Touye pis Pase 113 Moun – 116 Lòt Disparèt


Brazil Deadly Rains

O Brezil, otorite yo fè konnen 113 moun pou pi piti pèdi lavi yo nan yon glisman teren ki rive nan vil Petropolis ki sitiye sou montay, tandiske gen 116 lòt ki disparèt.

Anpil lòt byen kapab rete bloke anba labou ki desann anba vil la semèn sa a pandan pi gwo tanpèt lapli ki frape Petropolis depi plizyè dizèn dane.

Yon lòt kote, lapolis nan vil Rio fè konnen anviwon 20 ajan ap vizite kèk pwen enspeksyon ak kèk azil pou konnen si gen plis moun ki vivan.

Yo jwenn 3 nan moun ki te disparet yo vivan nan yon lekòl lokal; men absèvatè yo pa prevwa ke jou k ap vini yo pral pote pi bon nouvèl pase sa.

Kèk moun te kòmanse fè netwayaj depi 17 fevriye a menm nan moman kote kèk lot t ap antere fanmi yo nan yon simitye ki sibi dega.

XS
SM
MD
LG