Majistra kominal Petropolis Rubens Bomtempo di jounalis yo bilan moun ki mouri yo ka moute toutotan sekouris ak volontè ap fouye anba debri. Otorite yo fè konnen yo jwenn 21 moun vivan.
Vil la, ki nan distans 68 kilomèt ak pati nò Rio de Janeiro, te pran anpil gwo lapli madi a, ki fè ri yo nan vil la te tounen flèv. Ajans meteo lokal la MetSul rapòte ke kèk pati nan Metropolis te resevwa preske 26 santimèt lapli nan mwens ke 6 zèd-tan - plis pase sa yo te espere pou tout mwa Fevriye a.
Lavalas la detwi kay ki nan kèk katye sou flan mòn e pote machin ale. Otorite yo fè konnen li detwi yon afè 80 kay.
Apeprè 400 moun kite kay yo pou refijye nan abri pwovizwa, sitou nan lekòl, dapre otorite yo. Òganizasyon charite ap mande pou moun pote fè kado matla, dra, manje, dlo, rad, ak mask pou viktim yo.