7em ak 8em film nan seri Mission Impossible (Misyon Enposib) la ki gen kom vedet akte Ameriken Tom Cruise ranvwaye pou ane 2023 ak 2024 akoz pandemi COVID-19 la. Se sa responsab Paramount Pictures ak Skydance yo fe konnen nan yon deklarasyon yo pibliye.
Misyon Enposib 7 te sipoze soti nan sal sinema toupatou nan mwad Septanm 2022 a. Yo te planifye pou Misyon Enposib 8 limenm soti nan mwad Juiye 2023.
Nouvo dat yo anonse pou film sa yo se 14 Juiye 2023 pou Misyon Enposib 7 epi 28 Jyen 2024 pou Misyon Enposib 8 la.
Sal sinema toupatou Ozetazini, pami yo AMC Entertainment epi Cinemark Holdings Inc. toujou poko reprann yo apre dega pandemi a fe nan biznis yo.