Accessibility links

Breaking News

Ariel Henry Konsidere Atik CNN ki Akize l Kom Konplis nan Asasina Moise la kòm 'Machinasyon Politik'


HAITI-POLITICS/

Ankèt sou asasinay prezidan Jovenel Moise kontinye retni atansyon nasyonal ak entènasyonal-la.

CNN te pibliye yon aktik ki te fè anpi pale anpil e atik sa te pwovoke anpil reyaksyon.

Nan atik la, 3 ansyen responsab gouvenman Ayisyen an akize Premye minis Ariel Henry kom konplis nan asasina Prezidan Jovenel Mois la.

Henry bo kote pal di atik sa se yon se yon machinasyon politik, e ke li menm li ap tann lajistis di l men ki moun ki koupab, men ki moun ki te finanse asasinay la.

Prezidan Sena a Joseph Lambert reaji tou kote li di moun pa ka fè Premye Minis la konfyans, gen twòp eleman sispèk kont li nan patisipasyon li nan asasina Prezidan an.

Nan rankont sa-a ak laprès 12 fevriye Dr Ariel Henry te reyaji sou kesyon konvèsasyon li te genyen ak youn nan sispèk nimewo 1 yo, an palan de " Joseph Felix Badio" ke PNH nomen kom sispek kle nan asasinaa Prezidan Jovenel Moise la. Dapre dosye ki pibliye, premye minis la ta pale ak Badio avan e apre zak la te komèt.

Henry deklare ke tout konvèsasyon telefòn li yo anrejistre. Li ajoute si li te kominike ak Badio jou sa , se te yon konvèsasyon ordinè, pa gen anyen ankò.

Ann atandan , Washington ap –mennen ankèt pa l pandan li pwomèt otorite ayisyèn yo asistans pou bay Prezidan Jovenel Moise jistis.

XS
SM
MD
LG