Sispansyon sipriz sa a te rive lavèy gwo evennman spòtif Superbowl la, ki se pi gwo okazyon nan ane a pou plantè zaboka meksiken yo fè kòb. Sepandan sa pa afekte konsomasyon pwodui sa a pandan Superbowl la, paske kantite zaboka meksiken ki te nesesè pou evennman an te deja ekspedye Ozetazini.
Desizyon an montre ki gwo danje katèl dwòg yo poze e kijan dilè dwòg yo ap peze men plantè zaboka yo nan pati lwès Meksik pou yo pran lajan yo.
Akoz Lezetazini se yon peyi ki pwodui zaboka tou, enspektè ameriken travay nan Meksik pou yo kapab gen garanti ke zaboka k ap sòti nan peyi sa a pa genyen maladi ki ta ka kontamine rekòt ameriken yo.
