Accessibility links

Breaking News

Men Kiyès ki Ranpòte Meday 7 Fevriye nan Jezolenpik Peken yo


Beat Feuz yon Swis, selebre meday lo li a apre li ranpote konpetisyon desant gason yo nan domen Ski Alpin nan Jezolenpik Ive Peken yo, 7 Fevriye 2022.

Ski Alpin

Desant Gason

Beat Feuz, moun peyi la Swis ranpòte meday lò a. Viktwa a bay Feuz sel bagay li potko akonpli nan karyè li.

Franse Johan Clarey ranpote meday ajan an epi Otrichyen Matthias Mayer ranpòte meday bwònz la.

Slalom Jeyan Feminen

Swedwaz Sara Hector ranpote meday lò a. Italyen Federica Brignone pran meday ajan an epi Swis Lara Gut-Behrami ranpòte meday bwònz la.

Biathlon

Kous Endividyel 15 Km Medam yo

Denise Herrmann, yon almand rate sèlman youn sou 20 tire e li te skiye ase vit pou'l pran meday lò a nan kous la.

Fransèz Anais Chevalier-Bouchet rate dènye tire li e se poutèt sa li fini 9,4 segond deye Herrmann pou'l pran meday ajan an. Norvejyèn Marte Olsbu Roeiseland limenm rate 2 tire e li pran meday bwònz la.

Ekip Komite Olenpik Ris la selebre apre viktwa li nan konpetisyon patinaj atistik ekip la nan Jezolenpik Ive Peken yo, 7 Fevriye 2022.
Ekip Komite Olenpik Ris la selebre apre viktwa li nan konpetisyon patinaj atistik ekip la nan Jezolenpik Ive Peken yo, 7 Fevriye 2022.

Patinaj Atistik

Evenman Ekip

Kamila Valieva yon tinedjè Ris ki gen 15 zan tounen premye fanm nan listwa ki rive fè yon kwadrup so nan Jezolenpik yo. Sa te bay ekip La Risi 74 pwen pou'l pran premye plas la ak meday lò a.

Etazini pran meday ajan an tandiske Japon ranpòte premye meday je li yo, swa yon meday bwònz.

Nika Kriznar, moun Sloveni fete ak ko-ekipye li yo Timi Zajc, Ursa Bogataj epi Peter Prevc apre li pran meday lo a nan konpetisyon ekip miks So a Ski a, 7 Fevriye 2022.
Nika Kriznar, moun Sloveni fete ak ko-ekipye li yo Timi Zajc, Ursa Bogataj epi Peter Prevc apre li pran meday lo a nan konpetisyon ekip miks So a Ski a, 7 Fevriye 2022.

So a Ski

Ekip Miks

Sloveni pran meday lò a. Se premye fwa Jezolenpik Ive yo gen konpetisyon sa a.

La Risi pran meday ajan an epi Kanada fe tout moun sezi lè li pran meday bwònz la.

Ekip favori a, Almay te diskalifye nan premye tou konpetisyon an akoz yon vyolasyon ekipman.

Snowboard

Kanadyen Max Parrot pran meday lò a. Sa gen 3 zan desa, misye te gen kansè. Misye voye snowboard li anlè tèlman li te kontan wè skò final li.

Su Yiming, yon Chinwa pran meday ajan an, epi Kanadyen Mark McMorris pran bwonz la, pou'l devanse Ameriken Red Gerard ki te chanpyon konpetisyon sa a.

Ren Ziwei, a dwat, yon Chinwa selebre apre li ranpote kous 1,000 met la nan konpetisyon patinaj vites la, 7 Fevriye 2022.
Ren Ziwei, a dwat, yon Chinwa selebre apre li ranpote kous 1,000 met la nan konpetisyon patinaj vites la, 7 Fevriye 2022.

Patinaj Vites

1,000 Met Gason

Chinwa Ren Ziwei soulve gwo pale anpil pou viktwa li nan kous maskilen 1,000 mèt la.

Liu Shaolin Sandor, moun la Ongri te premye moun ki travèse liy viktwa a Lendi men yo te penalize li 2 fwa ak kat jon. Poutèt sa, Ren, ki fini dezyèm ranpote meday lò a.

Chinwa Li Wenlong ranpòte meday ajan an. Liu Shaoang, moun la Ongri ak fre Liu pran meday bwonz la.

Sanble Liu te fè kolizyon ak Ren nan moman li tap pran devan nan kous la. Ren te rale Liu nan moman li tap pwoche fen kous la. Liu te jwenn mwayen pou'l travèse liy viktwa a anvan li te tonbe. Men se Liu ke abit la bay penalite a.

1500 Met Fanm

Ireen Wust pran yon meday lò. Olandez la ki gen 35 an ranpòte dezyem meday lò li nan domèn sila a.

Japonez Miho Takagi pran meday ajan an epi Moun Peyi Ba, Antoinette de Jong limenm pran bwònz la.

XS
SM
MD
LG