Nan okazyon premye anivesè koudeta premye fevriye a nan Myannmar, Etazuni anonse plis sanksyon sou endividu ak òganizasyon ki asosye avek rejim nan daprè sa depatman trezò rapòte lendi 31 janvye.
Grand’Bretay ak Kanada anonse sanksyon tou.
Yon ane aprè koudeta a, Etazini avek alye li yo nan Wayom Uni ak Kanada kanpe avek pèp Birmani an k-ap chache libète ak demokrasi daprè Brian Nelson sou-sekretè trezo pou teroris ak ransèyman finansye di nan yon komunike. Li ajoute: “Nou pral kontinye vize sa yo ki responsab pou koudeta a ak vyolans ki kontinye ap fèt nan peyi a , sa yo ki fasilite represyon brital rejim nan ak supotè k-ap finanse yo."
Pami moun yo sanksyone yo genyen minis jistis Thida Oo , Juj an chef lakou suprem Tun Tun Oo ak prezidan komisyon anti-korupsyon Tin Oo
"Etazuni pral kontinye travay avek partnè entènasyonal nou yo pou abòde abi kont dwa moun, epi mete presyon sou rejim nan pou-l sispann violans la, libere sila yo ke yo mete nan prizon enjusteman, e retounen Myannmar sou chemen demokrasi, se deklarasyon sekretè deta Antony Blinken ki te utilize yon ansyen non peyi a .
Moun avek òganizasyon ke sanksyon yo vize a pral gen restriksyon oubyen blokaj sou nenpot avwa yo posede nan Etazini .
Lame te sezi pouvwa a nan yon koudeta nan dat premye fevriye 2021 lè li te chavire yon gouvenman sivil e mete nan prizon lidè Aung San Suu Kyi ak kèk lot otorire wo plase.