WASHINGTON, D.C —
Komisyon elektoral Pakistan an fè konnen ansyen selebrite spòtif ki vinn tounen yon polisyen jounen jodi a ,Imran Khan, soti venkè nan eleksyon palmantè ki sot dewoule nan peyi-a, men pati politik li a pa ranmase ase vwa pou fòme yon gouvènman majoritè. Kidonk , li pral oblije monte yon kowalisyon pou'l dirije peyi a. Anons sa a tonbe kèk èdtan sèlman apre mesye Khan finn kriye viktwa pati PT li a yè jedi a. Nan yon diskou viktwa li pwononse nan televizyon, li pran angajman pou l takle lamizè nan Pakistan, elimine korupsyon epi re-òganize sistèm gouvènans nasyon li pral dirije a.