Accessibility links

Breaking News

Plizyè 100tèn Milye de Moun Manifeste nan Washington DC an Favè Kontwòl sou Zam


Parisian nan March for lives la ou Mach pou defann lavi nou kont vyolans ak zam, Washington DC, samdi 24 mas 2018.

Dè milye de manifestan te rasanble nan Washington ak nan lòt vil Etazini pou mande pou gen plis lwa ki pi di nan zafè zam, apre plizyè moun te mouri pa bal e anpil lòt te blese sa pa gen lontan, yon masak ki te lakoz anpil moun fache, patikilyeman jen yo, e òganize yo an aktivis politik a travè peyi a.

“Politisyen yo dwe reprezante nou, oswa retire kò yo,” se pawòl yon elèv yo rele Cameron Kasky te pwononse nan Washington D.C. Kasky se youn nan etidian sivivan ki te nan lekòl la lè masak 14 fevriye a, kote 17 elèv ak amploye lekò segondè Marjory Stoneman Douglas nan Parkland eta Florid te pedi lavi yo.

Kèk moun ki apiye dwa pou moun gen zam te nan mitan manifestan yo tou nan Washington. Yon nom ki te vle idantifyel Selman kòm “Joe” ki soti nan pati no New York te di VOA devan Trump International Hotel, kèlke blòk Lamezon Blanch lan “afe mach sa a… se jis yon reyaksyon emosyonèl de yon bagay ki tre trajik.” “Joe” deklare pwopozisyon kontwòl zam, tankou entèdiksyon zam semi otomatik menm jan ak sa ki te itilize nan Parkland lan, yo pa “pral diminye vyolans zam, sa pral jis retire dwa sitoyen ki respekte lalwa.”

Men, Edna Chavez ki gen 17 lane sou tèt li fè konnen li voyaje soti prèske 4,300 kilomèt depi Los Angeles, pou vin Washington pou l “kapab gen enpak nan politik ak asire ke yo tande vwa nou.” Chavez ajoute “Mwen te viv nan vil L.A. tout lavi m e mwen pèdi anpil moun mwen renmen nan vyolans zam,” sa se nòmal – nòmal nan pwen ke mwen te aprann pou m koule anba katouch anvan menm mwen te konn li.”

Tantativ pou mete lwa ki pi strik sou zafè zam isit Ozetazini toujou jwen opozisyon pa asosyasyon nasyonal mitrayèt la, NRA, yon gwoup ki trè enflian nan peyi a nan sipote dwa zam.

XS
SM
MD
LG