Accessibility links

Breaking News

Sekretè Deta Tillerson Ensiste sou "Enpòtans Rapò Etazini ak Lafrik"


Sekretè Deta Rex Tillerson ki t ap bay yon konferans pou laprès avèk Prezidan Inyon Afrikèn nan (IU), Moussa Faki, sitwayen peyi Tchad, aprè yon rankont nan katye-jeneral IA, Adis Abeba, Etyopi, jedi 8 mas 2018 la.

Sekretè Deta ameriken an, Rex Tillerson, repete angajman Lèzetaini vizavi kontinan afiken an nan kad efò lap fè pou l mete yon fen nan kontwovès Prezidan Donald Trump te kreye avek kèk deklarasyon mank-dega li te fè sou peyi afriken yo, Salvadò ak Ayiti.

Pi gwo diplomat ameriken-an --ki t ap rankontre jedi 8 mas la avèk prezidan Komisyon Inyon Afrikèn nan, Moussa Faki- pale konsa 2 mwa aprè nouvèl yo te rapòte pawòl PrezidanTrump ki ta pwononse kèk mo deplase kont peyi ki sou kontinan afriken an ak lòt peyi nou site yo. Inyon Afrikèn nan ak plizyè gouvènman afriken pa t pèdi tan pou yo fè konnen yon deklasyon konsa te vekse yo anpil.

Sekretè Deta Tillerson ki t ap bwè kafe nan yon seremoni tradisyonèl kote kafe te bwason prensipal la. (Foto: REUTERS Jonathan Ernst - RC1FCE706450 - Adis Abeba, Etyopi, 8 mas 2018).
Sekretè Deta Tillerson ki t ap bwè kafe nan yon seremoni tradisyonèl kote kafe te bwason prensipal la. (Foto: REUTERS Jonathan Ernst - RC1FCE706450 - Adis Abeba, Etyopi, 8 mas 2018).

Pandan Misye Tillerson t ap pale nan yon konferans pou laprès li bay ansanm ak Misye Faki nan katye-jeneral I.A. nan vil Adis Abeba, kapital Etyopi, li di:

"Mwen panse angajman Lèzetazini vizavi Lafrik se yon bagay ki klè si ou konsidere enpòtans nou atache nan relasyon nou. Prezidan an voye yon lèt espesyal bay Inyn Afrikèn nan."

Vrèmanvre, Misye Faki fè konnen li te resevwa yon lèt ki pote dat 25 janvye 2018 la e noyu deja relege "ensidan sa a nan le pase". Prezidan I.A. nan ajoute vizit chèf diplomasi amerikèn nan se yon prev ki montre "Lèzetazini ak Lafrik atache yon enpòtans pèsonèl nan relasyon ki egziste antre yo."

XS
SM
MD
LG