Accessibility links

Breaking News

Prezidan Trump Apiye Plis Kontwòl sou Moun K ap Achte Zam Ozetazini


Prezidan Trump (mitan), Premyè Dam Melania Trump ak Doktè Igor Nichiporenko, pandan prezidan an t ap vizite yon lopital nan Florid kote viktim fiziyad vandredi 16 fevriye a t ap resevwa swen.
Ozetazini, Presidan Donald Trump ap apiye efò pou lwa federal yo ranfòse tchèk k ap fèt sou moun ki vle achte zam nan peyi a, aprè yon masak ki te dewoule semenn pase a nan yon lise nan Eta Florid kote 17 moun te pèdi lavi yo. Se La Mezon Blanch ki pibliye nouvèl sa a.
Daprè sekretè enfòmasyon Mezon Blanch la, Sarah Hackerbee Sanders, Prezidan Trump te pale semenn pase a avèk Senatè Repibliken Eta Tegzas John Cornyn sou yon lejislasyon palmantè a prepare e ki gen apui tou lè 2 pati yo. Lòt patwon lejislasyon sa a se Senatè Demokrat Eta Connecticut Chris Murphy, ki gen lontan depi l ap defann lide pou gouvènman federal la mete plis kontwòl sou sikilasyon zam nan peyi a.
Manisfestan ki t ap mande kontwòl sou zam, 3 jou aprè fizisy ki te fèt nan Lise Marjory Stoneman Douglas, nan sid Eta Florid. (Foto: Fort Lauderdale, Florid, 17 fevriye 2018).
Manisfestan ki t ap mande kontwòl sou zam, 3 jou aprè fizisy ki te fèt nan Lise Marjory Stoneman Douglas, nan sid Eta Florid. (Foto: Fort Lauderdale, Florid, 17 fevriye 2018).
Konvèsasyon Prezidan an ak Senatè Cornyn te dewoule sou mwayen pou yo amelyore respè règleman konsènan tchèk sou moun k ap achte zam yo. Pati konsène yo kontinye fè negosyasyon sou revizyon ki nesesè yo.
XS
SM
MD
LG