Accessibility links

Larisi Mete 9 Medya sou Lis Ajan Etranje

  • Ekip Sèvis Kreyòl VOA

Prezidan ris la, Vladimir Putin. Foto: 12 me 2015.

Ministè jistis Larisi a deziye jounen madi 5 desanm 2017 la kèk òganizasyon media ameriken pami yo Lavwadlamerik kom ajan etranje. Demach sa a vin konplike travay jounalis ap fè pou kolekte nouvèl nan Larisi.

Ministè a mete sou lis la tou Radio Ewop Lib ak Radio Libète mete avèk plizyè afilye stasyon sa yo genyen apre li te fin bay avètisman mwa pase a li pral pran yon mezi ki afekte antite media sa yo.

Nouvo deziyasyon sa yo fòse òganizasyon medya Lèzetazini kap opere sou teritwa ris la pou satisfè menm egzijans ONG ki resevwa finansman a letranje, dapre yon lwa gouvènman Prezidan Vladimir Putin nan te mete anplas an 2012.

Kidonk, antite medyatik sa yo pral gen pou soumèt yon rapò ki revele sous finansman yo, objektif yo vize, kijan yo depanse lajan yo e kilès kap jere yo.

XS
SM
MD
LG