Responsab sekirite ejipsyèn yo, media leta a site -- fè konnen chif la ogmante nan sa ki gen a wè ak kantite viktim yo nan atak sou moske Sinayi a ann Ejipt. 305 fidèl mouri nan atak motèl sila a kote yo idantifye sispèk yo kòm militan teworis.
Ajans nouvel gouvenman ejipsyen an, MENA rapòte otorite yo di ekstremis yo te sible Moske Al-Rawdah ki nan vilaj Bir-Al Abed ki nan pati lwès kapital provensyal la, El-Arish.
Yon neg ki fe konprann li te andedan moske a lè atak la tap dewoule a di media arab yo, "Militan ki tap kondi machinn tou teren te louvri kout zam andedan moske a tou swit apre yon eksplozyon bonm."
Temwen an fè konnen militan yo te louvri kout zam sou anbilans ak sekouris ki tap eseye mennen blese yo lopital.