Accessibility links

Breaking News

Ayiti-Eleksyon: KEP a Di li Enposib pou Li Modifye Kalandriye Elektoral la


Logo CEP Haiti

Konsèy Elektoral Pwovizwa a anonse li pa kapab modifye kalandriye elektoral la yon fason pou pwosesis la ta konplete nan fen ane 2016 la ak yon sèl tou eleksyon prezidansyèl akoz yon seri kontrent. Direktè kominikasyon KEP a, Richardson Dumesle, fè yon deklarasyon nan sans sa a pandan yon rankont ak laprès madi 12 jiyè 2016 la. Se yon repons pou pozisyon kèk palmantè ki di kalandriye a twò long e pwosesis la ap koute mwens lajan si responsab elektoral yo òganize yon sèl tou eleksyon. Yon lòt kote, KEP a nonmen Robenson Cherilus ak Gregory Hillaire kòm direktè ak direktè adjwen sant tabilasyon elektoral la

please wait

No media source currently available

0:00 0:09:12 0:00
Direct link

Lidè palman an (Vis-Prezidan Sena a, Ronald Larèche, ak Prezidan Chanm Bas la, Cholzer Chancy) konvoke depite yo ak senatè yo ann asanble nasyonal pou jedi 14 jiyè 2016 la pou yo kontinye seyans ki te kanpe nan at 28 jen pase a apre yon gwoup palmantè minoritè te abandone sal la. Palmantè yo gen pou travay sou yon akò pou konnen si wi ou non prezidan pwovizwa a Jocelerme Privert ap rete sou pouvwa a pou l òganize pwochen eleksyon yo oubyen si asanble a ap vote pou ranplase l. Konsènan finansman eleksyon yo, reprezantan yon regwoupman politik nan Nòdwès di li espere Lèzetazini ap retounen sou desizyon li pran pou l pa finanse vòt la.

Prezidan Konsèy Siperyè Polis Nasyonal la,(CSPN), Premye Minis Enex Jean Charles, fè konnen se jounen madi 12 jiyè a minis jistis la te gen pou l mete devan konsèy la yon pwopozisyon sou jesyon ak kontwòl moto/taksi yo ki sanble ta responsab pwoblèm ensekirite kap ogmante nan peyi a. Senatè Jean Renel Senatus, bò kote pa l, anonse li pral soumèt yon pwopozisyon-lwa devan asanble a pou regilarize trafik moto ann Ayiti.

Anfen, nan Orlando, sant Eta Florid, kote yon gwo popilasyon ayisyen ap viv, responsab yo nan konsila ayisyen an pran dispozisyon pou yo motive konpatriyòt yo sou mwayen pou yo pwoteje tèt yo sizoka move tan ta frape rejyon an.

XS
SM
MD
LG