Accessibility links

Ayiti-Eleksyon: Konsèy Elektoral Pwovizwa a Pibliye Rezilta Premye Tou Prezidansèl yo

  • Ekip Sèvis Kreyòl VOA

Kèk manm Polis Nasyonal d Ayiti (PNH) ap wete wòch ki te bare yon lari apre yon manifestasyon opozisyon an te mete sou pye.

Ann Ayiti, Konsèy Elektoral Pwovizwa a (KEP a) pibliye, n an jounen madi 24 novanm 2015 la, rezilta definitif premye tou eleksyon prezidansyèl 25 oktòb pase a. Rezilta sa yo parèt apre Biwo Kontasye Elektoral Nasyonal la (BCEN) te mande Sant Tabilasyon an mete akote echantiyon pwosè vèbal konteste yo. KEP a fè piblikasyon an nan moman opozisyon an kontinye mete manifestasyon sou pye pou mande yon komisyon endepandan verifye tout pwosè vèbal yo. Korespondan nou Orpha Dessources di nou avèk rezilta sa yo, KEP a voye 2 kandida ki devan yo :kandida PHTK a, Jovenel Moise (ki vini an premye pozisyon), ak kandida LAPEH a, Jude Celestin (ki okipe 2èm plas la), nan yon 2èm tou ki fikse pou 27 desanm 2015.

Yon lòt kote, Bank Entèrameriken pou Devlopman (BID) ak Bank Mondyal, an kolaborasyon avèk Komisyon Nasyonal Mache Piblik yo (CNMP), ap òganize 4 jou fòmasyon pou espesyalis nan pasasyon mache piblik yo. Seminè fòmasyon sa a ap pèmèt patisipan yo metrize pi byen bòn pratik entènasyonal yo, daprè Romina Kirkagacci, yon ekspè nan domèn mache piblik nan Banque Entèameriken pou Devlopman.

XS
SM
MD
LG