Accessibility links

Breaking News

Ayiti: Kandida yo ap Miltipliye Deklarasyon Avan Ouvèti Kanpay Elektoral la


Logo KEP a
Logo KEP a

Kreyasyon travay nan peyi d Ayiti - Repanse diplomasi ayisyèn nan pou refè imaj peyi a a letranje -- Etabli kondisyon pou ayisyen sispann ale viv ilegalman nan peyi Repiblik Dominikèn: Se kèk nan pwen ki nan pwojè sosyete kandida a la prezidans Michelet Nestor. Nan yon entèvyou avèk Sèvis Kreyòl Lavwadlamerik la, Misye Nestor mete devan elektè yo sa li konsidere kòm yon chwa klè pou eleksyon oktòb 2015 yo.

Bò kote pa l, kandida a la prezidans anba banyè Konbit Travayè Peyizan pou Libere Ayiti (KONTRAPEPLA), Chavannes Jean Baptiste, di si l rive ranpòte prezidans la, youn nan priyorite gouvènman l nan se relans prodiksyon nasyonal la epi refè anvironnman peyi d Ayiti a ki fin depafini. Avèk sa, lidè Mouvman Peyizan Papay la kwè ayisyen yo ap kapab viv pi byen nan peyi yo san yo pap bezwen al pran imilyasyon nan Repiblik Dominikèn.

Nouvèl Ayiti pou lendi 6 jiyè 2015
please wait

No media source currently available

0:00 0:09:47 0:00
Direct link

Plizyè kandida a la prezidans ak sila yo ki prale dèyè pòs lejislatif yo deja vizite kominote ayisyèn yo nan Dyaspora a pou yo prezante travay yo pral fè si yo ranpòte laviktwa. Kandida yo ap fè demach sa yo nan moman enstitisyon elektoral la ap pare pou l lanse kanpay elektoral la pou eleksyon lejislatif yo.

Anfen, Direksyon Nasyonal Dlo Potab ak Asenisman (DINEPA) lanse yon pwogram sansibilizasyon ak otorite gouvènman lokal yo sou fason pou yo aprann popilasyon an itilize latrin olye pou yo fè bezwen yo atè. Pwogram nan kòmanse nan Depatman Nòdwès avan yo etann li atravè tout peyi a.

XS
SM
MD
LG