Accessibility links

Breaking News

Yon Lòt Atak Aviyasyon Militè Lèzetazini ak Alye Li yo fè 19 Mò nan Siri


Avyon de gè kap patiispe nan atak sou pozisyon militan islamikyo nan pati nòdès Siri.
Avyon de gè kap patiispe nan atak sou pozisyon militan islamikyo nan pati nòdès Siri.

Militan siryen yo fè konnen atak aviyasyon militè Lèzetazni ak kèk alye arab lanse nan pati nòdès Siri touye 14 konbatan islamik ak 5 sivil. Obsèvatwa siryen pou dwamoun nan, ki gen baz li nan peyi La Grand Bretay, ekri jedi 25 septanm 2014 la pou l di atak sa yo, ki dewoule pandan nannuit la, te vize pozisyon konbatan islamik yo nan 2 rejyon: Deir el-Zour avèk Hassakhe.

Toujou sou dosye Eta Islamik la, Prezidan ameriken an, Barack Obama, mete devan Asanble Jeneral Oganizasyon Nasyon Zini an nan New York yon mesaj kote li di kominote entènasyonal la leve-kanpe kont gwoup Islamik la. Misye Obama, ki te pran lapawol sou tribin l’ONU an mèkredi 24 septanm nan, konsidere militan islamik yo kòm asasen ki pa dwe jwenn sekirite okenn kote sou late. Prezidan Obama di :

“Sèl lang asasen sa yo konprann se lang lafòs. Lèzetazini d’Amerik pral travay ak yon kowalisyon elaji pou l demantle rezo lanmò sila a.”

Lidè ameriken an kontinye pou l di li pa pral pèmèt okenn gwoup menase sekirite Lèzetazini ak alye li yo; pou sa, Lèzetazini pap kite gwoup konsa jwenn okenn “abri sur” pou yo kache.

« Nou pa pral pèmèt teworis yo jwenn « abri sur », ni nou pa pral aji non plis kòm yon puisans kap okipe peyi etranje. Nou pral pran dispozisyon kont tout moun ki menase sekirite nou ak sekirite alye nou yo, pandan nap bati yon kowoperasyon anti-teworis… »

Prezidan Obama ajoute Lèzetazini ap rete yon patnè « konstriktif ki respekte alye li yo» nan lit kont militan islamik yo. Men li egzòte mizilman yo pou yo rejte ideyoloji ki pwovoke nesans gwoup tankou Eta Islamik la.

Bò kote pa l, Premye Minis britanik la, David Cameroun –ki te pran lapawòl devan asanble jeneral l’ONU an kèk moman aprè Prezidan Obama-- fè delege yo konnen lap pran dipozisyon pou La Grand Bretay ranfòse wòl li nan lit kont Gwoup Eta Islamik la. Misye Cameroun di :

« Nan objektif sa a, mwen konvoke palman britanik la pou jounen vandredi a pou m gen garanti li apwouve plan pou La Grand Bretay patisipe nan operasyon atak ayeryen an kont Gwoup Eta Islamik la nan Irak. Mesaj mwen pote jodi a se yon mesaj ki senp : Nou twouve nou an fas yon gwoup mechan, e lemond antye fèt pou l ini li kont gwoup sa a. »

Pandan 2 zou 3 semèn ki pase yo, aksyon Gwoup Eta Islamik la nan pati nòdès Siri lakoz plis pase 130 mil sivil kouri kite zòn kote yo tap viv la ; pi fò nan yo travèse fwontyè peyi a ak Tuki pou y al pran refij sou tèritwa tuk la.

XS
SM
MD
LG