Accessibility links

Breaking News

Anons Depaman sou yon Seselfe nan Pati Lès Ikrèn


Sòlda ikrenyen kap pale tou prè yon machin blende nan yon kan militè ki pa lwen ak vil Donetsk. (Foto: 2 Septanm 2014).
Sòlda ikrenyen kap pale tou prè yon machin blende nan yon kan militè ki pa lwen ak vil Donetsk. (Foto: 2 Septanm 2014).
Daprè nouvèl ki sòti nan vil Kyèv, kapital Ikrèn, biwo Prezidan Petro Poroshenko anonse li-menm ak lidè ris la, Vladimir Putin, rive jwenn yon seselfe pou konba yo nan pati lès Ikrèn. Biwo prezidans la fè parèt, mèkredi 3 septanm 2014 la, yon deklarasyon kote li di 2 lidè yo jwenn antant la nan yon konvèsyon telefonik. Deklarasyon an pa bay detay sou kondisyon ki ta makònen ak seselfe a.

Sepandan, yon deklarasyon separe ki sòti nan Kremlen an, nan Moskou, di Misye Putin ak Misye Poroshenko pa rive jwenn okenn antant sou yon seselfe nan Ikrèn. Nòt la atire atansyon sou le fèt ke Larisi pa fè pati goumen kap dewoule nan pati lès Ikrèn nan. Men, deklarasyon Kremlen an di 2 prezidan yo abòde fason pou yo mete fen nan konfli a.

Anvan sa, yon pòtpawòl prezidans la nan Larisi, Dimitri Peskov, te fè konnen Misye Putin ak Misye Peroshenko te boukante lide sou mwayen pou mete fen nan « larivyè san kap koule nan pati sides Ikrèn nan. » Misye Peskov te kontinye pou l di 2 lidè yo te mete yo dakò sou kèk mwayen posib pou yo rezoud konfli a.

XS
SM
MD
LG