Nan Mwayen Oryan an, Izrayèl ak Hamas kòmanse obsève yon nouvo seselfe 72 zèdan, sa ki bay 2 pati yo yon okazyon tou nèf pou yo rekòmanse fè negosyasyon nan vil Lekèr, sou lobedyans peyi Lejip, pou wè si yo va jwenn yon solisyon dirab pou goumen kap dewoule ant 2 kan yo depi yon mwa e ki deja koze lanmò 2 mil moun.
Se Lejip ki te sèvi kòm medyatè nan negosyasyon ki debouche sou selsefe a byen bonè jodi lendi … Gouvènman ejipsyen an ap resevwa delegasyon 2 pati yo nan Lekèr. Sekretè Jeneral Oganizasyon Nasyon Zini an, Ban Ki-moon, fè konpliman pou seselfe a, e li fè konnen li gen yon gwo espwa Izrayèl ak Hamas va antann yo pou yo mete fen nan ataak yo pou byen popilasyon sivil la.