Prezidan ayisyen an, Michel Martelly, te rive Washington nan sware jounen madi 24 jen 2014 la pou l te patisipe nan yon seremoni remiz diplòm nan Kolèj Entè-Ameriken Defans la ki anba lobedyans Oganizasyon Eta Ameriken yo (OEA).
Prezidan Martelly te sèvi kòm prensipal oratè nan seremoni sa a kap dewoule mèkredi nan katye jeneral OEA a nan Washington. Pami moun ki resevwa diplòm yo, genyen 4 ayisyen : komisè divizyonè James Boyard (PNH), komisè divizyonè Jean Gardy Muscadin (PNH), komisè prensipal Ludwige Bertrand (PNH) ak diplomat Marie-Andrée Brutus-Amy ki se yon konseye nan misyon pèmanan Ayiti nan OEA nan Washington.
Klike sou « Koute » pou w swiv yon repòtaj avèk kolaboratè nou Jacquelin Belizaire.