Accessibility links

Breaking News

Patisipasyon Sekretè Deta Kerry nan yon Rankont nan vil Lond sou sitiyasyon an nan Siri.


Medyatè l'ONU pou Siri a, Lakdar Brahimi, pandan li tpa bay yon konferans pou laprès nann katye jeneral Nasyon Zini an nan Jenèv, peyi Laswis (Foto achiv).
Medyatè l'ONU pou Siri a, Lakdar Brahimi, pandan li tpa bay yon konferans pou laprès nann katye jeneral Nasyon Zini an nan Jenèv, peyi Laswis (Foto achiv).
Sekretè Deta ameriken an, John Kerry, kite Washington mèkredi 14 me 2014 la pou vil Lond kote li pral asiste yon rankont sou sitiyasyon an nan peyi Siri kap reyini divès minis afè etranjè.

Youn nan rezon ki eksplike rezondèt rankont sa a, sè le fèt ke sou teren an nan Siri, goumen kap fèt ant militan opozisyon an ak fòs militè kap defann gouvènman Prezidan Bashar al-Assad la, vin fè efò kap fèt pou jwenn yon solisyon politik pou kriz la, trennen pandan pi lontan pase sa manm kominote entènasyonal la te prevwa.

Diplomat ejipsyen Lagdar Brahimi sèvi pandan lontan kòm anvwaye Nasyon Zini ak Lig Arab la ki tap travay sou solisyon politik la. Pandan li tap pale pou la dènyè fwa anvan li kite plas la kòm prensipal medyatè entènasyonal, li fè konnen li espere ke, yon jou finalman, konfli a va pran fen nan Siri. Misye Brahimi deklare:

“ Kesyon ki poze a, se konbe moun ki pou mouri ankò, ki kantite destriksyon ki pou fèt ankò, anvan pou Siri tounen Siri nou te konnen an? »

Chèf diplomasi amerikèn nan, bò kote pa l, fè konnen se Prezidan Assad ki bloke solisyon politik la. Misye Kerry di:

“Sa kap pase la a, se rezilta le fèt ke Assad, yon nonm ki sòti pou l vide bonm san gade dèyè sou pwòp pèp li ankò, deside rete kole sou pouvwa-a; pou sa, li pare pou l bay pèp la gaz anpwazonnen, vide kout gwo zam fann-fwa sou sivil inosan, fòse moun yo rete fèmen anndan kay yo kote grangou ap touye yo, epi li gen odas pou l di li gen dwa kontinye dirije peyi a. Mwen pa kwè mond sivilize a pare pou l kite yon bagay konsa kontinye.”

Chèf diplomasi amerikèn nan mete ansanm avèk kòlèg fransè l la, Laurent Fabius, pou di rankont kap kòmanse mèkredi nan vil Lond la pral mete presyon sou gouvènman Assad la pou l respekte yon antant pati konsène yo te jwenn pou rejim li a fin remèt Ajans Nasyon Zini pou Kontwòl Zam Atomik la tout zam chimik li posede yo.
XS
SM
MD
LG