Accessibility links

Posiblite pou Kore di Nò Fè yon Lòt Tès Nikleyè

  • Ekip Sèvis Kreyòl VOA

Chèf AAEA mande Kore di Nò kalme kè-sote kominote entènasyonal la genyen akoz pwogram nikleyè 2 peyi sa yo.
Nouvèl tonbe avèk pèsistans pou di Kore di Nò sanble ap planifye pou l fè yon lòt tès nikleyè egzatteman nan moman prezidan ameriken an, Barack Obama, va nan rejyon azyatik la pou yon toune kap dire 4 jou e kap mennen li sou Preskil Kore a.

Souwoul prese lanse yon apèl bay Pyongyang pou di l pinga li fè yon 4èm tès nikleyè. Pandan minis afè etranjè sid-koreyen, Yun Byungse, tap pale nan yon konferans entènasyonal nan Seoul, li di si Kore du Nò egzekite plan li genyen pou l fè tès nikleyè a --jan li anonse sa deja a-- sa pral chanje dòn yo totalman. Pwofesè Daniel Pinkston, ki se vis-direktè pwojè nan gwoup Jesyon Kriz Entènasyonal pou rejyon nòdès azyatik la, fè konnen li pa panse Kore di Nò pral pran apèl Kore di Sud la an konsiderasyon. Misye Pinkston ajoute:

“Nò Koryen yo gen lontan depi yap afiche yon devouman, yon pèsistans ak yon volonte pou yo egzekite pwogram nikleyè yo a; yo itilize anpil resous pou sa; yo rive sipòte presyon ak sanksyon entènasyonal pou sa, san bliye lòt bagay. Alòs, mwen panse sa montre klèman pwogram nikleyè a genyen anpil enpòtans pou lidè nò-koreyen yo e mwen pa kwè yo pral kanpe li, ni fè bak sou li.

Otorite yo nan Kore di Sud di yap fè preparasyon pou sizoka Kore di No ta mete ann egzeksyon plan li genyen pou l fè tès nikleyè a, oubyen fè nenpòt ki lòt pwovokasyon pandan vwayaj 2 jou Prezidan Obama pral fè nan Sewoul a pati de vandredi 25 avril 2014 la.
XS
SM
MD
LG