Accessibility links

Vizit Ansyen Premye Minis Britanik Tony Blair ann Ayiti

  • Ekip Sèvis Kreyòl VOA

Tony Blair, ansyen Premye Minis Britanik.
Ansyen Premye Minis Grand Bretay, Tony Blair, ap fè yon vizit nan Pòtoprens pandan jounen madi 25 fevriye 2014 la. Daprè Mèt Kedler Augustin, pòtpawòl biwo premye minis Laurent Lamothe, objektif vizit sa a se eksplore posiblite envestisman nan peyi d Ayiti. An menm tan tou, Misye Blair, ki pral fè yon evalyasyon gouvènans piblik la ann Ayiti, enterese tou pou l pote kontribisyon li nan efò kap fèt pou kore devlopman nan domèn kominikasyon an nan peyi karayib la.

Yon lòt kote, Mèt Augustin –ki abòde dosye dyalòg entè-ayisyen an- deklare dyalòg la pa mouri. Li atire atansyon sou efò kap fèt bò kote sena a ak pouvwa egzekitif la pou rezoud pwoblèm ki te anpeche kèk lidè politik siyen akò final la, swa piblikasyon non tout manm Kou Siperyè dè Kont la, jan gran kò lejislatif la mande sa.

Misye Augustin di egzekitif la ap etidye pyès adisyonèl sena a voye pou verifye si chak manm satisfè kritè ki nesesè pou li okipe pòs la –menm si, daprè li, pouvwa lejislatif la voye plis pyès pase kantite prezidans la ak primati a te mande.

Klike sou « Koute » pou w swiv yon repòtaj avèk Marie-Luce Pierre e Lyonel Desmarattes.
XS
SM
MD
LG