Accessibility links

Ayiti/Politik : Kòmansman "Yon Dyalòg Nasyonal" pou Eseye Rezoud Pwoblèm Peyi a.

  • Ekip Sèvis Kreyòl VOA

Ann Ayiti, pouvwa ekzekitif la, pouvwa lejislatif la ak pati politik yo ap patisipe nan sa yo rele « yon dyalòg nasyonal » Vandredi 24 Janvye 2014 la, sou medyasyon Konferans Episkopal la. Dyalòg la ap dewoule sou 3 gran tèm prensipal : bon gouvènans, eleksyon avèk patisipasyon tout moun, epi konstitisyon an.

Daprè yon nòt ki sòti nan biwo Nasyon Zini nan New York, reprezantan espesyal Sekretè Jeneral l'ONU ann Ayiti, Sandra Honoré, ak reprezantan prensipal manm kominote entènasyonal (tankou anbasadè peyi Brezil, Lespay, Lèzetazini, Lafrans, Inyon Ewòp la, Chaje Dafè a.i. Kanada a ak reprezantan espesyal Òganizasyon Eta Ameriken yo, OEA) fè konpliman pou dyalòg entè-ayisyen sa a e yo ankouraje aktè yo chache jwenn, avèk patisipasyon tout sektè, yon antant ki ka debouche sou eleksyon lib, transparans ak ranfòsman yon gouvènans demokratik.

Korespondan nou Clarens Renois di nou pou ofisyèl Konferans Episkopal la chache garanti siksè inisyativ la, non sèlman yo reyini ak aktè konsène yo, men tou yo pran kontak ak kò diplomatik la.
Klike sou « koute » pou w swiv yon entèvyou Clarens bay Jean Robert Philippe.
XS
SM
MD
LG