Accessibility links

Breaking News

Ban Ki-moon fè Konpliman pou Lidè Opozisyon an nan Bimani


Sekretè Jeneral Oganizasyon Nasyon Zini an, Ban Ki-moon, fè konpliman pou manm palman Birmani ki fèk eli yo, san bliye lidè mouvman k ap reklame demokrasi nan peyi a, Aung Sang Suu Kyi, poutèt yo aksepte mete fen nan yon boykòt palman an kote majorite manm yo se reprezantan oubyen patizan lame a.

Misye Ban fè yon deklarasyon nan sans sa a madi premye me 2012 la pandan li tap rankontre ak Madam Suu Kyi, yon ansyen Loreya Pri Nobèl Lapè, nan kapital komèsyal Bimani an, Rangoon.

Chèf l’ONU an di :
“Mwen fè konpliman tou pou desizyon li pran yè pou l prete sèman e tounen yon palmantè. Mwen byen konnen sete yon desizyon trè difisil. Pafwa òm politik yo, fanm politik yo pral kontinye genyen mezantant sou kèk pwoblèm; men yon vrè lidè dwe montre fleksibilite pou gwo koz y ap defann pou pèp la, pou peyi a.”

Vrèmanvre, lendi 30 avril 2012 la, Madanm Suu Kyi ak kòlèg li yo nan Lig Nasyonal Pou Demokrasi a (yon pati opozisyon) te anonse yo pral asiste pou laprèmyè fwa mèkredi yon sesyon nan palman an kote yo pral prete sèman ki egziste jounen Jodi a e kote plamantè yo pwomèt pou yo “pwoteje konstitisyon an”.

Yo te boykote palman an paske yo te mande chanjman pou sèman an di pito “respekte konstitisyon an”. Yon lòt rezon boykòt la, se pou manm Lig Nasyonal pou Demokrasi a te pwoteste kont le fèt ke gouvènman militè a rezève yon tyè syèj nan palman an pou manm lame a ki pa menm eli.
XS
SM
MD
LG