Accessibility links

Kore Di Nò-Politik: Egzekisyon Jang Song Thaek, Tonton Lidè Peyi a, Kim Jong Un


Nan Kore di Nò, nouvèl yo fè konnen yon kou masyal (kidonk, yon tribinal militè) fè egzekite Jang Song Thaek, tonton lidè peyi a, Kim Jong Un, aprè jij yo te jwenn li koupab deske li tap fè konplo pou ranvèse gouvènman an. Jiska tou resamman la a toujou, moun te konsidere Msye Jang kòm youn nan pi gwo konsèye pèsonèl Kim Jong Un.

Ajans nouvèl ofisyèl nò-koreyen an ekri pou l di yon ploton-dezekisyon fiziyè Jang Song Thaek jedi 12 desanm 2013 la aprè yon jijman ki pat tèlman dire lontan. Leonid Patrov, yon analis politik kap travay nan Inivèsite Nasyonal Ostrali a, fè konnen li pa fin kwè nouvèl kòmkwa misye Jang tap fè konplo pou l jete rejim an plas la, se yon nouvèl ki di laverite.

Misye Petrov deklare : "Mwen panse egzekisyon Misye Jang nan pa gen anyen pou wè vrèman ak sa k pase a. Jang Song Thaek sete yon kolaboratè fidèl e totalman lwayal pou rejim Kim Jong Un nan. Se papa Kim, an palan de Kim Jong Il, ki te nonmen li nan plas konseye pèsonèl la, pou l sipèvize aksyon Kim John Un. Misye tap fè tout sa k posib pou l ede Ti Kim pwojte yon imaj pozitif."

Misye Petroff kontinye pou l di li plis kwè sa k lakoz disgras ak ekzekisyon Jang Song Thaek, se yon mezantant familyal ou pèsonèl (ant parantèz, nap di viktim nan se frè manman lidè nò-koreyen an, donk se tonton Kim Jong Un).

Sepandan, daprè pwofesè Petrov toujou, si gen yon bagay ki sèten, sè ke Kim Jong Un te konsidere tonton an kòm yon menas pou avni pouvwa li e, finalman, li te panse li oblije voye yon mesaj pou l di kòmkwa se li menm, e li menm sèlman, ki gen kontwòl -e yon kontwòl total- rèn gouvènman an.
XS
SM
MD
LG