Accessibility links

Yon Atak Teroris nan Yemen fè Omwen 20 Mò

  • Ekip Sèvis Kreyòl VOA

Nan Yemen, yon kamikaz ak yon gwoup nèg ame atake lokal ministè defans peyi sa a nan kapital la, Sanaa; omwen 20 moun mouri.

Otorite yo di bonbis la te pase alaksyon anvan nèg ame yo te antre nan yon maryaj kout zam avèk fòs sekirite yo. Nan yon deklarasyon Ministè defans la fè parèt, li fè konnen pifò nèg ame yo mouri e sitiyasyon an sou kontwòl.

Okèn moun ni gwoup moun poko pran responsabilite pou atak sa a. Souvan militan al-Qaida yo konn atake fòs sekirite nan Yemen.

Yo konsidere Branch al-Qaida k ap opere nan Yemen nan --ke yo konnen sou non al-Qaida nan Preskil Arabik la- kòm youn nan branch ki pi aktif nan le mond.
XS
SM
MD
LG