Accessibility links

Ejip/Vyolans Politik : Eksplozyon sou Preskil Sinayi a - Bilan: 10 Mò.

  • Ekip Sèvis Kreyòl VOA

Zòn Sinayi a, ann Ejip.
Nan peyi Lejip, responsab sekirite yo di yon machin pyeje ki te vize yon konvwa lame a eksploze sou Preskil Sinayi a. Bilan: Omwen 10 sòlda mouri.

Atak sa a fèt mèkredi 20 novanm nan tou prè vil El-Arish nan moman konvwa a te sou yon wout ki lye vil la ak Rafah, sou fwontyè ki travèse tèritwa Gaza a. Okenn moun ni gwoup moun poko pran responsabilite pou atak sa a ki fè 35 blese.

Aktivite militan yo ogmante seryezman nan rejyon Sinayi a depi dechoukaj ansyen Prezidan Hosni Mubarak nan lane 2011 e gen plis vyolans toujou depi lame te ranvèse Prezidan Mohamed Morsi nan mwa jiyè ane sa a.
XS
SM
MD
LG