Accessibility links

Espwa Loksidan nan yon Pwochen Antant ak Iran sou Domèn Nikleyè a

  • Ekip Sèvis Kreyòl VOA

Diplomat peyi Iran ak yon gwoup pwisans mondyal k ap chache limite anrichisman iranyòm nan Iran, fè konnen yo pran angajman pou yo jwenn yon antant malgre yo pat reyisi jwenn yon akò nan dènye rankont yo te fè a; e yo gen bon jan espwa y ap fin pa reyalize objektif la.

Minis afè etranjè iranyen an, Mohammad Javad Zarif --ki tap pale byen ta lendi 11 novanm nan -- di 2 pati yo fè bon jan pwogrè pandan kèk jou chita-tande ki fini wikenn pase a nan vil Jenèv, nan peyi La Swis.

Daprè li, si yo pa rive jwenn yon akò, se akoz divizyon ki egziste pami gwoup P5 plis 1 an, ki gen ladan n Lèzetazini, La Grand Bretay, La Frans, La Chin, La Risi ak Lalmay.

Sekretè Deta ameriken an, John Kerry, ak minis afè etranjè britanik la, William Hague, yo chak di gwoup yo a te ini nan propozisyon fè sou dosye a.

Msye Kerry ajoute Iran pat ka aksepte akò gwoup la pwopoze a ; men li espere 2 pati yo ka jwenn yon antant nan kèk mwa. Negosyasyon yo ap rekòmanse semèn pwochèn nan.
XS
SM
MD
LG