Accessibility links

Rankont Prezidan Martelly ak Manm Palman an sou Pwosesis Elektoral la

  • Ekip Sèvis Kreyòl VOA

Prezidan Michel Martelly pral rankontre, vandredi premye novanm nan, ak yon gwoup depite, manm blòk Palmantè pou Stabilite Politik (PSP), pandan li kontinye resevwa apèl ki mande l konvoke depite yo pou yo vote sou pwojè lwa elektoral la –n ap raple Chanm Depite a an vakans depi plisyè semèn deja.

Yon lòt kote, toujou sou dosye eleksyon ann Ayiti, gouvènman peyi Irigwe a lanse yon avètisman kote li di, si Ayiti pa reyalize pwogrè ak pwosesis elektoral la nan 3 mwa, otorite yo nan Montevideo pral raple twoup militè yo genyen nan misyon Nasyon Zini pou Estabilizasyon Ayiti a (MINUSTAH).

Anfen, jiris ki fè pati Asosyasyon Bawo Avoka yo nan Pòtoprens te reyini ann asanble jeneral nan jounen jedi 31 oktòb 2013 la, kote yo vote pou yo kontinye yon grèv yo mete sou pye pou yo mande demisyon ou revokasyon komisè gouvènman Pòtoprens la, Mèt Francisco René. Bawo a akize Misye René deske li menase libète endividyèl avoka yo lè l pran desizyon pou l pouswiv an jistis yon kòlèg yo san rezon legal valab.

Klike sou « Koute » pou w gen detay avèk korespondan nou, Clarens Renois, kap reponn kesyon Jean Robert Philippe sou aktyalite a ann Ayiti.
XS
SM
MD
LG