Accessibility links

Breaking News

Si Gouvènman Ameriken an Fèmen, Kisa sa Vle Di pou Anplwaye Federal yo?


Yon gwo menas ap peze sou gouvènman ameriken an ki kapab fèmen nan moman pa gen okenn siyn ki montre manm Kongrè a (Senatè ak Depite) ta prè pou yo jwenn yon konpwomi sou depans leta federal la, kidonk sou bibjè nasyonal la pou ane fiiskal 2013-2014 la. 2 Chanm yo dwe jwenn konpwomi sa a anvan minui, lendi 30 septanm nan.

Minis Defans ameriken an, Chuck Hagel, lanse yon avètisman bay kongrè a kote, daprè li, politik ping-pong kap fèt sou bibjè a, mennen gouvènman federal la pi prè lè kote li kapab oblije sispann travay. Misye Hagel atire atansyon palmantè yo sou konsekans grav sa l konsidere kòm “move travay yap fè a”; daprè chèf Pentagòn nan, si jwèt sa a kontinye, Lèzetazini pral tounen “yon peyi engouvènab”.

Dènye nouvèl yo fè konnen manm Sena a ap reyini pandan tout apremiidi jounen lendi a –e menm pandan tout rès jounen an, si sa nesesè- pou yo eseye jwenn yon antant ak Chanm dè Reprezantan sou bidjè a anvan minui.
XS
SM
MD
LG