Accessibility links

Ayiti-Eleksyon: Chanm Bas la Apwouve Pwojè-Lwa Elektoral la

  • Ekip Sèvis Kreyòl VOA

UN-Haiti
Ann Ayiti, chanm depite a ale an vakans apre manm yo vote, lendi 9 septanm 2013 la, pou yo apwouve pwojè lwa elektoral la. Nouvèl yo fè konnen seyans la dewoule nan yon konfizyon total ; men finalman yon majorite te rive apwouve dokiman an.

Yon lòt kote, Premye Minis Laurent Lamothe kòmanse yon vwayaj sou kontinan ewopeyen an kote lap vizite, antwòt, peyi La Frans ak La Beljik. Chèf gouvènman ayisyen an genyen pou l fè chita-tande tou ak otorite Inyon Ewòp la kap prepare pou Ayiti yon plan-dèd global kap monte rive 400 milyon ewo.

Anfen, 2 moun blese nan vil Dam Mari, nan Depatman Grand Ans la, lè zam yon gad-di-kò Prezidan Michel Martelly te pati pa aksidan pandan kòtèj prezidansyèl la tap deplase nan zòn nan. Misye Martelly t al fè vizit sa a nan okazyon fèt patwonal vil la.

Klike sou « Koute » pou w koute korespondan nou Clarens Renois k ap reponn kesyon Jean Robert Philippe.
XS
SM
MD
LG