Accessibility links

Ejip/Politik : Apèl Pati Frè Mizilman yo pou Plis Manifestasyon

  • Ekip Sèvis Kreyòl VOA

Nan Lejip, chans pou lapè retounen nan peyi-a rete byen mens, nan moman Pati Frè Mizilman yo lanse apèl pou li mande plis pwotestasyon e egzije retou Prezidan Mohamed Morsi sou pouvwa a
Nan Lejip, chans pou lapè retounen nan peyi a rete byen mens, nan moman Pati Frè Mizilman yo lanse apèl pou li mande plis pwotestasyon e egzije retou Prezidan Mohamed Morsi sou pouvwa a.

Pnadansetan, anpil lidè mondyal lanse apèl pou yo mande pati konsène yo chache jwenn yon konpwomi.

Patizan Misye Morsi yo fè sèman yo pral kontinye mouvman pwotestasyon yo a jiskaske lidè dechouke a va retounen nan palè prezidansyèl la, malgre plis pase 80 moun mouri nan konfwontasyon ki dewoule ant pati advès yo nan jou ki fèk pase yo.

Madi 30 jiyè 2013 la, plizyè santèn fanm te pran beton an nan kapital la, Lekèr, pou yo mande retou Prezidan Morsi sou pouvwa a. Hajara Ibrahim, youn pami fanm yo, di poukisa li patisipe nan mouvman pwotestasyon an :

« Mwen prezante isit la pou m fè tande vwa mwen, pou m di lemond antye sa k rive Prezidan Morsi a, se pa rezilta yon revolisyon. Se yon koudeta militè e se pa yon aksyon lejitim. »

Mach medam yo te dewoule nan moman chèf politik Inyon Ewòp la, Catherine Ashton, tap vizite Lejip kote li tounen premye pèsonalite entènasyonal ki rankontre ak prezidan dechouke a.

Yon lòt kote, prezidan ameriken an, Barack Obama, mande 2 manm Kongrè a --John McCain ak Lindsey Graham, ki fè pati komisyon afè militè Sena-a-- pou yo ale ann Ejip semèn pwochèn nan, epi gade wè kijan eleksyon kapab dewoule rapidman nan peyi a.
XS
SM
MD
LG