Sanble ejipsyen yo ap chache patisipasyon yon Pri Nobel Lapè nan efò kap fèt pou pèmèt kalm ak lapè retounen nan peyi yo. Pri Nobèl Lapè sa a se sitwayen ejipsyen Mohamed El-Baradei. Otorite yo fè konnen prezidan pwovizwa a, ansyen jij Kou Siprèm nan, Adly Mansour, konvoke Misye El-Baradey nan palè prezidanysèl la kote li gen pou l pete sèman kom premye minis anvan jounen samdi a fin pase.
Mohamed El-Baredey se yon ansyen prezidan AEEA (Ajans Nasyon Zini pou Eneji Atomik). Li pral gen kòm misyon pou l ede yon nasyon divize --kote se chak jou plis kolè popilasyon an ap ogmante - eben, misyon misye se wè sa l ka fè pou pèmèt nasyon sa a retounen sou wout demokrasi.
Sepandan, youn nan prensipal lidè pati ki apiye prezidan Mohamed Morsi a --an palan de Pati Frè Mizilman yo-- deja pale ak ajans nouvèl Reuters pou l di pati a pap aksepte nominasyon El-Baradei nan pòs Premye Minis la e patizan Prezidan Morsi yo fè sèman pou yo kontinye mouvman pwotestasyon yo a jiskaske Misye Morsi retounen sou pouvwa a kòm premye prezidan ki eli demokratikman nan tout istwa peyi Lejip.
Mohamed El-Baredey se yon ansyen prezidan AEEA (Ajans Nasyon Zini pou Eneji Atomik). Li pral gen kòm misyon pou l ede yon nasyon divize --kote se chak jou plis kolè popilasyon an ap ogmante - eben, misyon misye se wè sa l ka fè pou pèmèt nasyon sa a retounen sou wout demokrasi.
Sepandan, youn nan prensipal lidè pati ki apiye prezidan Mohamed Morsi a --an palan de Pati Frè Mizilman yo-- deja pale ak ajans nouvèl Reuters pou l di pati a pap aksepte nominasyon El-Baradei nan pòs Premye Minis la e patizan Prezidan Morsi yo fè sèman pou yo kontinye mouvman pwotestasyon yo a jiskaske Misye Morsi retounen sou pouvwa a kòm premye prezidan ki eli demokratikman nan tout istwa peyi Lejip.