Accessibility links

Venezuela-Eleksyon Prezidansyèl: Viktwa Kandida Revolisyon an/ Opozisyon an Mande Rekonte Vwa yo


Prezidan pwovizwa Venezuelyen an, Nicolas Maduro, tap anime patizan n yo pandan li tap kite yon biwodvòt nan Caracas dimanch 14 avril 2013 la.
O Venezuela, prezidan kap dirije pwovizwaman depi lanmò Hugo Chanez, la, Nicolas Maduro, ranpòte yon viktwa ak yon maj tou mens sou lidè opozisyon an, Henrique Capriles, nan eleksyon prezidansyèl ki dewoule dimanch 14 avril la. Otorite yo nan Komisyon Elektoral Nasyonal la anonse viktwa Misye Maduro a kèk èdtan aprè biwodvòt yo te fèmen atravè tout peyi a.

Patizan prezidan pwovizwa a pat pran tan pou yo pan lari nan capital la, Karakas, pou yo selebre viktwa kandida ke defen Prezidan Hugo Chevez, li menm, te chwazi kòm siksesè l la. Nicolas Maduro -yon ansyen chofè otobis ki ta pral tounen yon minis afè etanjè sou Chavez- pale ak yon foul ki te reyini devan palè nasyonal la pou l di –nap site : « Batay la ap kontinye pou nou pouse pou pi devan ak eritaj Hugo Chavez la» fen sitasyon. Nicolas Maduro kontinye pou l di:

« Viv Chavez! Viv Chavez! Viv Chavez! Jiska laviktwa pou tout tan… Ann pran lari pou n defann viktwa sa a….. pou n defann triyonf sa a… Nan lapè e nan lòd, ann selebre ak pèp la yon viktwa ki raple ke nou respekte volonte kòmandan an. Chavez, jan n te pwomèt ou a, nap reyalize seremoni envestiti ou nan lendepandans e nan yon peyi sosyalis. »

Nicolas Maduro te kòmanse kanpay la ak yon avans 40 pou san nan sondaj dopinyon yo sou Henrique Caprilles –yon gouvènè pwovens ki gen 40 tan e ki te pèdi devan Chavez ak yon gwo maj nan eleksyon prezidansyèl ki te dewoule an oktòb 2012 la. Misye Caprilles refize aksepte defèt li paske, daprè li, genyen magouy ki fèt nan fason otorite yo konte vwa yo pou bay rezilta final la. Li deklare :
«Mwen ta vle di kandida gouvènman an (an palan de Maduro) : Pèdan an jounen jodi a, se ou menm ; e mwen di sa ak tout fòs mwen. Se ou k pèdan an… Ou menm ak tout gouvènman w nan. Mwen di sa ak fèmte, ak yon lespri konpwomi e nan transparans. Nou pap rekonèt rezilta yo toutotan vwa tout sitwayen venezuelyen pa rekonte youn apre lòt. Nou mande pou Konsèy Elektoral Nasyonal la relouvri tout bwat bilten yo e pou l rekonte vòt chak elektè venezuelyen…»

Henrique Capriles akize Misye Maduro ak gouvènman Chavez la deske yo pat fè efò ase pou yo rezoud pwoblèm ekonomik peyi Venezuela ap konfonte ak lòt kalte difikilte tankou, antwòt, mank manje ak yon to kriminalite ki monte disèt wotè. Misye Maduro pwomèt, si vikitwa li a konfime, li pral kontinye ak sa li rele « Revolisyon chavis la » ki, daprè patizan Chavez yo, sèvi ak petwòl venzuelyen an pou l wete plizyè milyon sitwayen nan lamizè. Hugo Chavez te mouri mwa pase a aprè 2 zan konba ak maladi kansè.
XS
SM
MD
LG