Accessibility links

Breaking News

Washington Lage Responsibilite Gwo Tansyon nan Preskil Kore a


Ozetazini, administrasyon Obama an deklare se responsabilite Kore di Nò pou bese tansyon an nan preskil Kore a . Dapre Gran konseye nan Lamezon Blanch Dan Pfeiffer , Kore di Nò ki te kreye kriz la ---kidonk se li ki pou chanje pozisyon l ak estrateji l.

Mesye Pfeiffer di : "Kore di Nò angaje l nan yon pakèt mouvman moun ka wè depi kè ane tankou : pwovokasyon ak pawòl piman bouk. E prensipal koze a la a se pou Kore di Nò fè bak, respekte obligasyon entènasyonal yo. Konsa li ap kapab mete sou pye sa li di ki reprezante prensipal objektif li ki se devlopman ekonomik. "

Mesye Pfeiffer pale konsa nan pwogram televizyon Fox News isit Ozetazini. Pandansetan otorite sid koreyen yo di Pyonyang kapab byen ap pare yon lòt tès misil nan lide pou fòse kominote entènasyonal fè kèk konsesyon diplomatik.

Yon lòt kote , senatè repibliken, Lindsey Graham ki te parèt nan pwogram Meet the Press sou Chèn Televizyon amerikèn NBC , di pasyans Kore di Sid ak vwazen l nan Nò a rive nan bout li.

Senatè Graham di: “Kore di sid pa pral nan jwèt ankò. Mwen ka wè yon gwo gè ki ka rive si nòkoreyen yo ap kontinye egzajere paske piblik sid koreyen an , Etazini ak tout rejyon an fatige ak mesye sa yo. “

Yon lòt senatè repibliken Jonh McCain ki te nan Pwogram televizyon Face The Nation sou CBS, egzòte La Chinn pou l mete plis presyon sou Kore di Nò.

Senatè McCain di :" Lachinn genyen nan men l solisyon pwoblèm nan . Lachinn ta kapab kraze ekonomi Kore di Nò a si l te vle."

Prezidan chinwa a Xi Jinping te di sa pa gen lontan la a , okenn peyi pa gen dwa pou l rejte yon rejyon menm si lemond antye te tèt an ba pou tèt motivasyon egoyis. Peken se sèl soutyen finansye e diplomatik Kore di Nò.
XS
SM
MD
LG