Accessibility links

Negosyasyon Pou Retire Lagrès nan yon Enpas Ekonomik

  • Ekip Sèvis Kreyòl VOA

Peyi Lagrès fè konnen negosyasyon sou dènye plan mare-senti peyi a ak òganizasyon entènasyonal k ap prete lajan yo pa sanble ap rive nan konklizyon anvan somè Inyon Ewòp la ki pral dewoule semèn sa a.

Minis finans fransè a Yannis Stournaras deklare otorite grèk yo ap pale toujou ak reprezantan Fon Monetè Entènasyonal, Bank Santral Ewòp la ak Inyon Ewòp la.

Men li fè konprann li pa panse pral gen yon antant anvan somè Brusèl la k ap dire 2 jou tanmen jedi 18 oktòb k ap vini an.

Òganizasyon k ap prete Grès lajan yo ekzije pou l elimine 17 milya dola nan depans li pandan 2 lane k ap vini yo anvan yo debloke yon lòt pòsyon nan 2èm fon sovtaj pou peyi a nan 2 lane k ap vini yo.

Atèn fè konnen li bezwen lajan an pou l ka reponn obligasyon l anvan leta pran pàn kòb nan mwa k ap vini an.
XS
SM
MD
LG