Nigeria: 21 Moun Pèdi Lavi yo nan yon Atak ki fèt Devan yon Moske

Otorite yo nan Nigeria di kèk moun yo sispèk kòm vòlè te louvri kout zam devan yon moske nan nò peyi a; omwen 21 moun pèdi la vi yo .

Otorite yo di atak sa a fèt byen bonè dimanch 14 oktòb la nan vilaj Dogon Dawa nan eta Kaduna.

Yon sekouris ofisyèl ki abite tou prè a di Ajans Nouvel Asociated Press te gen apeprè 50 nèg ak zam ki te ansèkle vilaj la.

Pifò viktim yo sanble te soti nan Moske a aprè lapriyè matinal yo. Pèsonn pa pran responsabilite pou atak sa a.

Eta Kaduna divize ant Mizilman ak kretyen yo e gen anpil vyolans pou zafè relijyon ki dewoule nan mwa ki pase yo men otorite lokal yo di yo kwè atak sa a fèt an reprezay volè gang ame yo poutèt sa yo te pèdi akoz milisyen nan zon nan.