Accessibility links

Breaking News

Hong Kong – Vòt pou Rapò pi Sere avèk Lachin


Nan Hong Kong, sektè nan palman an ki an favè pi bon rapò ak Lachin kontinantal la ranpòte laviktwa nan yon referandòm ki dewoule nan Konsèy Lejislatif Elektoral la; sepandan pati ki an favè demokrasi a rive konsève dwa veto li sou tout politik palman an pral adopte nan lavni --san bliye refòm demokratik yo.

Anpil analis te espere pati ki an favè demokrasi a ta pral anresjistre yon pi bèl rezilta nan vòt la, aprè li te pran tèt yon seri gwo manifestasyon kote moun yo te pwoteste kont yon gouvènman ki gen nan tèt li Leung Chun-ying.

Manifestan yo repwoche misye Leung le fèt ke li fè yon bann bagay ki pa sa –pami yo, genyen pwopozisyon gouvènman an fè pou lekòl yo anseye elèv yo pou yo gen fidelite vizavi peyi Lachin.
XS
SM
MD
LG