Accessibility links

Grès-Politik : Lidè Pati Nouvèl Demokrasi a Genyen Jiska Mèkredi pou l Fòme yon Gouvènman

  • Ekip Sèvis Kreyòl VOA

Lidè Pati Nouvèl Demokrasi a, Antonis Samaras (g) ak lidè pati sosyalis la PASOK Evangelos Venizelos
Nan peyi Lagrès, lidè pati politik yo ap òganize yon 2e jou chita-tande nan lide pou yo fòme yon gouvènman kowalisyon.

Prezidan peyi a bay Antonis Samaras, lidè Pati Nouvèl Demokrasi a (yon pati konsèvatè) jiska mèkredi pou l fòme yon alyans apre pati li a, ki an favè yon plan sovtaj ekonomik pou peyi a, te ranpòte pi fò syèj yo nan eleksyon palmantè ki dewoule dimanch pase a.

Mesye Samaras te rankontre lendi avèk lidè PASOK la (pati sosyalis la), Evangelos Venizelos, ki di li kwè yo ta dwe rive fòme yon gouvènman kowalisyon anvan fen jounen madi a.

Pati PASOK la te fini an 3e pozisyon nan kous elektoral la, men li deside pote-kole ak Pati Nouvèl Demokrasi a pou l apiye yon plan sovtaj ekonomik entènasyonal pou Lagrès.
XS
SM
MD
LG