Accessibility links

L’ONU: 198 Milyon Dola nan Ed Imanitè Pou Kore di Nò

  • Ekip Sèvis Kreyòl VOA

Nasyonzini mande Kominote entènasyonal li pou l mete tout mezantant politik sou kote epi pou l relanse fon pou ede abòde sa li di ki se gwo nesesite imanitè sitwayen Kore di Nò yo.

L’ONU di efò asistans nan Kore di Nò yo toujou pa finanse ase, malgre kò mondyal la devwale yon demand fon pou 198 milyon dola an plis pou reponn a priyorite imanitè yo nan ane 2012 la, nan eta kominis apovri a.

Daprè yon deklarasyon L'ONU fè soti, li di: "Nou panse ke asistans imanitè a pa dwe depann sou sitiyasyon politik k ap monte desann. Jan nou di a, sa prale pou moun ki pi vilnerab yo e sètènman si nou wè finansman nou an ap bese pou kelkeswa rezon an, se sa ki pral afekte popilasyon an vrèman vre. Nou panse ke asistans imanité dwe separe de politik e nou dwe aplike prensip imanité, imanite ak netralite."

Donatè entènasyonal yo bay plis pase yon tyè nan 218 milyon dola Nasyonzini te mande pou ede Kore di Nò nan ane 2011 la. Akoz mank fon, kò entènasyonal la di li pat kapab abòde nesesite imanitè yo kòmsadwa.

Nasyonzini dekri kondisyon umanitè serye nan Kore di Nò nan rapò li a ki fè konnen gen 16 milyon moun ki kontinye ap soufri ak ensikirite alimantè kronik, gwo to malnitrisyon, ak gwo pwoblèm ekonomik.
XS
SM
MD
LG